Breaking News
Home / Breaking News / ಎಣ್ಣಿ ಹೊಡಿಯ್ಯಾಕ….ಬಾಟಲಿ ನೋಡಿ ಸುಮ್ನೆಂಗ್ ಇರಲಿ….!!!

ಎಣ್ಣಿ ಹೊಡಿಯ್ಯಾಕ….ಬಾಟಲಿ ನೋಡಿ ಸುಮ್ನೆಂಗ್ ಇರಲಿ….!!!

ಬೆಳಗಾವಿಯ ಗಣಪತಿ ಬೀದಿಯಲ್ಲಿ ಫುಲ್ ರಶ್

ಬೆಳಗಾವಿ- ಅತ್ತ ಬೆಂಗಳೂರಿನಲ್ಲಿ ಅಪ್ಪಾಜಿ ಹದಿನಾಲ್ಕು ದಿನ ಖಡಕ್ ಮನೆವಾಸ ಎಂದು ಘೋಷಣೆ ಮಾಡಿ,ಇನ್ನೂ ಗೈಡಲೈನ್ ಬಿಡುಗಡೆ ಮಾಡದಿದ್ದರೂ ಜನ ಎಣ್ಣೆ ಅಂಗಡಿ ಎದುರು ಲೈನ್ ಹಚ್ಚಿದ್ದಾರೆ.

ಬೆಳಿಗ್ಗೆ 6 ರಿಂದ ಬೆಳಿಗ್ಗೆ 10 ಗಂಟೆಯವರೆಗೆ ಅಡುಗೆ ಎಣ್ಣೆ ಹಿಡ್ಕೊಂಡು ಕಿಕ್ ಕೊಡುವ ಎಣ್ಣೆಯವರೆಗೆ ಎಲ್ಲವೂ ಸಿಗುತ್ತದೆ ಎಂದು ಅಪ್ಪಾಜಿ ಹೇಳಿದ್ಮೇಲೂ ಜನರಿಗೆ ಅಪ್ಪಾಜಿ ಮೇಲೆ ನಂಬಿಕೆ ಇಲ್ಲವೋ,ಅಥವಾ ಸ್ಟಾಕ್ ಮುಗಿಯುತ್ತದೆ ಎನ್ನುವ ಆತಂಕವೋ ಗೊತ್ತಿಲ್ಲ,ಬೆಳಗಾವಿಯ ಲಿಕ್ಕರ್ ಶಾಪ್ ಗಳ ಎದುರು ಜನ ಕ್ಯುನಲ್ಲಿ ನಿಂತಿರುವ ದೃಶ್ಯ ಬೆಳಗಾವಿಯಲ್ಲಿ ಈಗ ಸಾಮಾನ್ಯವಾಗಿದೆ.

ಜೊತೆಗೆ ಡಿ ಮಾರ್ಟ್ ಸೇರಿದಂತೆ ಇತರ ಮಾಲ್ ಗಳ ಎದುರು ಜನ ಕ್ಯುನಲ್ಲಿ ನಿಂತಿದ್ದು ನಾಳೆಯಿಂದ ಏನೆಲ್ಲಾ ಅನಾಹುತ ಆಗುತ್ತೆ ಅಂತಾ ಜನ ತಮಗೆ ಬೇಕಾಗಿದ್ದನ್ನು ಖರೀದಿ ಮಾಡಿ ಮನೆಗೆ ಸೇರಿಕೊಳ್ಳುವ ಭರಾಟೆಯಲ್ಲಿದ್ದಾರೆ.

ನಾಳೆ ಸಂಜೆಯಿಂದ ಖಡಕ್ ರೂಲ್ಸ್ ಅದಕ್ಕೆ ಲಾಕ್ ಡೌನ್ ಅನ್ನೋಂಗಿಲ್ಲ,ಅದಕ್ಕೆ ಬೇಕಾದ್ರೆ ಟಫ್ ರೂಲ್ಸ್ ಅಂತಾ ಕರೀಯಬಹುದು,ಇದಕ್ಕೆ ಲಾಕ್ ಡೌನ್ ಅಂತಾ ಕರೆದ್ರೆ ಅಪ್ಪಾಜಿಗೆ ಸಿಟ್ಟು ಬರುತ್ತದೆ ಅದಕ್ಕೆ ಅಪ್ಪಾಜಿ ಹೇರಿದ್ದು ಲಾಕ್ ಡೌನ್ ಅಲ್ಲಾ ಇದೊಂದು ಟಫ್ ರೂಲ್ಸ್ ಅಂತಾ ನಾಳೆಯಿಂದ ಎಲ್ಲರೂ ಫಾಲೋ ಮಾಡೋಣ…

ನಾಳೆ ಸಂಜೆಯಿಂದ ಬಸ್ ಓಡಾಟ ಇರೋಲ್ಲ,ಪಕ್ಕದ ರಾಜ್ಯಗಳಿಂದ ನಮ್ಮ ರಾಜ್ಯಕ್ಕೆ ಜನರ ಓಡಾಟ ಬಂದ್ ಜೊತೆಗೆ ಗೂಡ್ಸ್ ವಾಹನಗಳೂ ಸಹ ನಮ್ಮ ರಾಜ್ಯಕ್ಕೆ ಬರುವಂಗಿಲ್ಲ,ಇಂಟರ್ ಸ್ಟೇಟ್ ಕನೆಕ್ಷನ್ ಬಂದ್ ಆಗಿರುತ್ತದೆ,ರಾಜ್ಯದಲ್ಲಿ ಎಲ್ಲಿ ಬೇಕಾದ್ರೂ ವಾಹನಗಳು ಓಡಾಡಬಹುದು,ಜನರ ಓಡಾಟ ಇರೋದಿಲ್ಲ,ಹೀಗಾಗಿ ಅಟೋಗಳ ಓಡಾಟವೂ ಇರೋದಿಲ್ಲ.

ಬೆಳಿಗ್ಗೆ 6 ಗಂಟೆಯಿಂದ ಬೆಳಿಗ್ಗೆ 10 ಗಂಟೆಯವರೆಗೆ ನಾಲ್ಕು ತಾಸು ಪೇಟೆಗೆ ಹೋಗಿ,ಕಿರಾಣಿ,ಹಾಲು,ತರಕಾರಿ,ಖರೀಧಿ ಮಾಡಬಹುದು ಜೊತೆಗೆ ಈ ನಾಲ್ಕು ತಾಸು ಎಣ್ಣೆ ಅಂಗಡಿಗಳೂ ಸಹ ಓಪನ್ ಇರುತ್ತವೆ,ಬೇಕಾದ್ರೆ ಪಾರ್ಸಲ್ ತಗೊಂಡು ಹೋಗಬಹುದು. ಈ ಅವಧಿಯಲ್ಲಿ ಚಿಕನ್ ಮಟನ್ ಫಿಶ್ ಎಲ್ಲವೂ  ಸಿಗುತ್ತದೆ.ಹೊಟೇಲ್ ಗಳಲ್ಲಿ ಪಾರ್ಸಲ್ ಸಿಸ್ಟಮ್ ಮಾತ್ರ ಶುರು ಇರುತ್ತದೆ ಅದು ಕೇವಲ ಬೆಳಿಗ್ಗೆ ನಾಲ್ಕು ತಾಸು ಮಾತ್ರ…

ಸಿಎಂ ಯಡಿಯೂರಪ್ಪ 14 ದಿನ ಮನೆವಾಸ ಫಿಕ್ಸ್ ಮಾಡಿದ್ದಾರೆ,ಇದೇ ವನವಾಸ ಅಂತಾ ತಿಳ್ಕೊಂಡು ಎಲ್ಲರೂ ಫಾಲೋ ಮಾಡಬೇಕು,ಮಹಾಮಾರಿ ಕೊರೋನಾಗೆ ದೇಶದಿಂದಲೇ ಓಡಿಸಬೇಕು…

Check Also

ಬೆಳಗಾವಿಯ ನಕಲಿ ಐಡಿ ಪ್ರೀಂಟೀಂಗ್ ಪ್ರೆಸ್, ಮೇಲೆ ಪೋಲೀಸರ ದಾಳಿ….

ಬೆಳಗಾವಿ-ಬೆಳಗಾವಿ ಮಹಾನಗರದಲ್ಲಿ ಖಡಕ್ ಲಾಕ್ ಡೌನ್ ಇದೆ,ಅಲ್ಲಲ್ಲಿ ಖಾಕಿ ಪಡೆ ಗಂಭೀರವಾಗಿ ವಾಹನ ಸವಾರರನ್ನು ತಪಾಸಣೆ ಮಾಡುತ್ತಿದೆ.ಹೀಗಾಗಿ ಕೆಲವರು ನಕಲಿ …

Leave a Reply

Your email address will not be published. Required fields are marked *