ಬೆಳಗಾವಿ ಸುದ್ದಿ | Belagavi Suddi | Belagavi News ಸಮಸ್ಯಗೆ ಸ್ಪಂದನೆ
Related Articles
ಬೆಳಗಾವಿ- ಇತ್ತೀಚಿಗೆ ನವವಿವಾಹಿತೆ ಯೊಬ್ಬಳು ವಿಷ ಕುಡಿದು ಆತ್ಮಹತ್ಯೆಗೆ ಯತ್ನಿಸಿ ಬೆಳಗಾವಿ ಜಿಲ್ಲಾ ಆಸ್ಪತ್ರೆಗೆ ದಾಖಲಾಗಿ ನನ್ನ ಗಂಡ ಮತ್ತು ಮಾವ ವರದಕ್ಷಿಣೆ ಕಿರುಕಳ ಕೊಡುತ್ತಿದ್ದಾರೆ, ಗಂಡನ ಮಾವ ಲೈಂಗಿಕ ಕಿರುಕಳ ಕೊಟ್ಟಿದ್ದಾನೆ ಎಂದು ಆರೋಪಸಿದ್ದ ಆ ಮಹಿಳೆ ನಿನ್ನೆ ತಡರಾತ್ರಿ ಬೆಳಗಾವಿ ಪೋಲೀಸ್ ಕಮಿಷ್ನರ್ ಕಚೇರಿಗೆ ಬಂದು ಅದೆಲ್ಲಾ ಮಾಡಿದ್ದು ಗಂಡ ಮತ್ತು ಮಾವ ಅಲ್ಲ, ಆ ಬಿಜೆಪಿ ಮುಖಂಡ ಮತ್ತು ಅವನ ಮಗ ಎಂದು ಆ ಮಹಿಳೆ ಈಗ ಗಂಭೀರ ಆರೋಪ ಮಾಡಿದ್ದಾಳೆ.
ಈ ಮಹಿಳೆ ಕೊಟ್ಟ ದೂರಿನ ಮೇರೆಗೆ ಆ ಬಿಜೆಪಿ ಮುಖಂಡ ಮತ್ತು ಅವನ ಮಗ ಹಾಗು ಅವರ ಇಬ್ಬರು ಸಹಚರರ ಮೇಲೆ ಬೆಳಗಾವಿಯ ಖಡೇ ಬಝಾರ್ ಠಾಣೆಯಲ್ಲಿ ಕೇಸ್ ದಾಖಲಾಗಿದೆ.
ಆ ಬಿಜೆಪಿ ಮುಖಂಡ ಮತ್ತು ಅವನ ಮಗ ನನಗೆ ಲೈಂಗಿಕ ಕಿರುಕಳ ಕೊಟ್ಟಿದ್ದಾರೆ.ಒತ್ತಾಯಪೂರ್ವಕವಾಗಿ ನನಗೆ ಮದುವೆ ಮಾಡಿಸಿದವನೇ ಆ ಬಿಜೆಪಿ ಮುಖಂಡ, ನಮ್ಮ ಸಂಸಾರ ಚನ್ನಾಗಿಯೇ ನಡೆದಿತ್ತು ನಮ್ಮ ಸಂಸಾರದಲ್ಲಿ ನಂತರ ಹುಳಿ ಹಿಂಡಿದ್ದು ಆ ಬಿಜೆಪಿ ಮುಖಂಡ, ನನಗೆ ಹೆದರಿಸಿ ಬೆದರಿಸಿ ನನಗೆ ವಿಷ ಕುಡಿಸಿ ನನ್ನ ಗಂಡ ಮತ್ತು ಅವನ ಮಾವನ ಮೇಲೆ ವರದಕ್ಷಿಣೆ ಮತ್ತು ಲೈಂಗಿಕ ಕಿರುಕಳದ ಆರೋಪ ಮಾಡುವಂತೆ ಹೆದರಿಸಿದ್ದ ಆ ಬಿಜೆಪಿ ಮುಖಂಡ ನನಗೆ ಟ್ರ್ಯಾಪ್ ಮಾಡಿದ್ದ, ನನ್ನ ಗಂಡ ಮತ್ತು ಮಾವನ ಮೇಲೆ ನಾನು ದೂರು ಕೊಟ್ಟಿದ್ದು ಫಾಲ್ಸ್ ಕೇಸ್ ಎಂದು ಆ ಮಹಿಳೆ ಪೋಲೀಸರ ಎದುರು ಸತ್ಯವನ್ನು ಬಯಲು ಮಾಡಿದ್ದಾಳೆ.
ಇಷ್ಟೆಲ್ಲಾ ಆದ ಮೇಲೂ ಆ ಬಿಜೆಪಿ ಮುಖಂಡ ನನಗೆ ಬಿಡಲಿಲ್ಲ ರಕ್ಷಾ ಬಂಧನದ ದಿನ ನನ್ನಿಂದ ರಾಖಿ ಕಟ್ಟಿಸಿಕೊಂಡು ವಿಡಿಯೋ ಮಾಡಿಕೊಂಡಿದ್ದಾನೆ. ಎಂದು ಆರೋಪಿಸಿರುವ ಮಹಿಳೆ ಆ ಬಿಜೆಪಿ ಮುಖಂಡ ಮತ್ತು ಅವನ ಮಗ ಯಾವ ರೀತಿಯಲ್ಲಿ ಯಾವಾಗ, ಹೇಗೆ ಕಿರುಕಳ ಕೊಟ್ಟಿದ್ದಾರೆ ಎಂದು ಖಡೇ ಬಝಾರ ಪೋಲೀಸ್ ಠಾಣೆಯಲ್ಲಿ ಕೊಟ್ಟ ದೂರಿನಲ್ಲಿ ವಿವರವಾಗಿ ಹೇಳಿಕೊಂಡಿದ್ದಾಳೆ.